रक्तात दारू नव्हतीच ...

तो दारू पिऊन गाडी चालवत होता ... 

तो दारू पिऊन गाडी चालवत होता !!!

तो दारू पिऊन गाडी चालवत होता.

तो दारू पिऊन गाडी चालवत होता? असं ?

तो दारू पिऊन गाडी चालवत .. ?  नक्की ? 

तो दारू पिऊन गाडी ? काहीही

तो दारू पिऊन ? छे छे 

तो दारू ? अशक्य 

तो? देवमाणूस 

कोण म्हणतं  !!!... ? तो दारू पिऊन गाडी चालवत होता, 

पुरावा आहे ??

चला सदोष मनुष्यवधातून निर्दोष मोकाट फिरायला मुक्त 

लागला निक्काल

नेक्ष्ट

त्या  जान्हवीची  डिलिव्हरी काही होत नाही या वर्षात 

निदान  ती वडाळ्याची  फ्री वे वरची फाईल काढा

साहेब यांचं काळवीटीचं पण इन्टरेस्टिंग आहे   

काय वीट आहे रे ? बरं माझा  अंदाज  लिहून घे 

काळवीट स्वत: बंदुकीच्या नळकांडीतून आत बंदुकीत घुसलं

त्या काळवीटाकडूनच  अनावधाने चाप ओढला गेला

तिथे दुसरं कोणीही नव्हतं 

ती मानसिक नैराश्यातून केलेली शुद्ध आत्महत्या होती  

बाकी सारं म्यानेज होईल  

हळव्या मनाच्या वैचारिक लोकांसाठी काळवीटाच्या रक्तात अल्कोहोल दाखवू फार फार तर    

पाहिलंस बोलण्यात वेळ गेला 

आवरा  आता घरी चला 

आणि आज जंगी पार्टी असेल 

सहिष्णूतेचा विजयोत्सव 

तेव्हा फुटपाथवरनं सांभाळून चाला 

तुमचा कोणीही वाली नाही  

- प्रसाद साळुंखे