निळी शाई कोरा कागद, आम्ही कोणाला भीत नाही
एवढं म्हणण्याइतकेसुद्धा, आम्ही साले धीट नाही
रंगात रंग कोणता? खेळू लागले सारेजण
ताठ मानेनं फडफडणारी, एकरंगी फीत नाही
लपंडावात कसे सारे एकजात पारंगत
पिढ्यानपिढ्या खेळूनदेखील, खेळाचा त्या वीट नाही
सोनसाखळीने बघताबघता घेराव की हो घातला
जनता बापडी यात, चारी मुंड्या चित राही
कांदाफोडी तर पठ्ठे असे काही खेळतात
जणू कुठल्याच पक्षाशी, आता उरली प्रीत नाही
सिनेमावाले मांड्या थोपटीत हुतुतूत आले
तशी सिनेमावाल्यांना पाडायची, आपल्याकडे रीत नाही
खेळाचे नियम पाळा की राव
खेळाचं मैदान आहे, तुमचं पिलभीत नाही
लाईचना खात बसले, आम्हाला साधी ट्रीट नाही
जा काका आता, तुमालाबी सीट नाही
सामान्यांना राजकारणात वाव नाही
कारण दुधात पीठ मिसळायची, त्यांच्याकडे ट्रीक नाही
एवढं म्हणण्याइतकेसुद्धा, आम्ही साले धीट नाही
रंगात रंग कोणता? खेळू लागले सारेजण
ताठ मानेनं फडफडणारी, एकरंगी फीत नाही
लपंडावात कसे सारे एकजात पारंगत
पिढ्यानपिढ्या खेळूनदेखील, खेळाचा त्या वीट नाही
सोनसाखळीने बघताबघता घेराव की हो घातला
जनता बापडी यात, चारी मुंड्या चित राही
कांदाफोडी तर पठ्ठे असे काही खेळतात
जणू कुठल्याच पक्षाशी, आता उरली प्रीत नाही
सिनेमावाले मांड्या थोपटीत हुतुतूत आले
तशी सिनेमावाल्यांना पाडायची, आपल्याकडे रीत नाही
खेळाचे नियम पाळा की राव
खेळाचं मैदान आहे, तुमचं पिलभीत नाही
लाईचना खात बसले, आम्हाला साधी ट्रीट नाही
जा काका आता, तुमालाबी सीट नाही
सामान्यांना राजकारणात वाव नाही
कारण दुधात पीठ मिसळायची, त्यांच्याकडे ट्रीक नाही
-प्रसाद
