झिम्माडी जम्मत
गम्माडी गंमत
ढगांनी काळोखी केली
झिम्माडी जम्मत
गम्माडी गंमत
पानांची आंघोळ झाली
झिम्माड्या नगरीचा
राजा वेडा झाला
वार केले सपासप
झाडे निथळली,
रस्ते तरारले,
सारे खुले आपोआप
वार्‍यात गारात
झिम्माड्या तोर्‍यात
मज्जा या सरींनी केली
झिम्माडी झम्मत
गम्माडी गंमत
ढगांनी काळोखी केली
झिम्माड्या नगरीच्या
काऊचा चिऊचा
झाडाचा निसर्ग झाला
अंकूर फुटले,
सारेच नटले,
कसला हा संसर्ग झाला,
रानात वनात
फुलात पानात
रंगांची उधळण झाली
झिम्माडी जम्मत
गम्माडी गंमत
ढगांनी काळोखी केली
कुठल्याश्या डबक्यात
मोठ्या उत्साहात
दगड बुडूक झाला
तरंग उठले,
हसू ते फुटले,
चिंता त्या गुडूप झाल्या
पावसाचा नाद
रिमझिम अल्हाद
भलती जादू घडोनिया गेली
झिम्माडी जम्मत
गम्माडी गंमत
ढगांनी काळोखी केली
-प्रसाद
Chaan aahe...!!! :)
उत्तर द्याहटवाBtw, kitti diwasani lihileyas....Kuthe hotas kuthe....???
धन्यवाद मैथिली
उत्तर द्याहटवाकुठे नाही घरातच होतो
फक्त कंटाळा येतो मला खूप
आणि दुसरं म्हणजे मला खूप लवकर कंटाळा येतो :)