एकदा निसर्गाला साद घाल
ट्रेन्स सुटल्या सुटू देत
फायली मिटल्या मिटू देत
गळ्यातला टाय सैल करून श्वास घे जरा
धावपळीतून तू थोडासा पॉज घे जरा
उद्या येऊन हवं तर पुन्हा स्टाफशी वाद घाल
पण आता चल एकदा निसर्गाला साद घाल
पांढरा झालाय पाय सॉक्स मध्ये राहून
निवांतपणे बघ त्याला वाहत्या पाण्यात ठेवून
रोजचं आहे काम कसला म्हणून चेंज नाही
डोंगरदर्‍यात जाऊ जिकडे मोबाईलची रेंज नाही
सारखी कॉफी पिऊन तुझी जीभ झालीय कडू
पिठलं भाकर अन् रानमेवा, मस्त मेजवानी झाडू
तुंबलेल्या कामांना सरळ उभी काट घाल
आता चल एकदा निसर्गाला साद घाल
डोंगरमाथ्यावरचा सोसाट्याचा वारा कानी तुझ्या शिरेल
मग एवढी शिदोरी पुढे तुला वर्षभर पुरेल
पुढल्या वर्षी सुट्टी घेऊन हमखास येशील परत
म्हणशील इथे आल्याशिवाय आता वर्ष नाही सरत
तीही बघ कशी कधीची घरी बसलीय झुरत
रोजची भांडणं तिच्यासाठी वेळ नाही उरत
तिथे गप्पा मारता मारता अलगद हातामध्ये हात घाल
निदान आता तरी चल एकदा निसर्गाला साद घाल
- प्रसाद साळुंखे
Namaskar,
उत्तर द्याहटवाI got your contact from Bloggers network
I would like to invite you to send any related article for this edition . we give proper credit to all writers , you can also mention about your blog. check out the guidelines and let me know if you are interested. Sending you the link to our last year's Diwali Edition as well for your reference.
link to guidelines: http://www.marathicultureandfestivals.com/diwali-e-edition-rules
LInk to Diwali Edition 2015
Please let me know if interested.
Thanks