चुरापाव: अनुभवले चांदणे मी...

नमस्कार दोस्तांनो,

चुरापाव वाचण्याआधी चुरापावविषयी थोडं सांगतो. चुरापावची तोंडओळख म्हणा हवं तर. बर्‍याच जणांना चुरापाव माहितदेखील असेल, कधीनाकधी त्याची तोंडओळख (शब्दशः तोंडओळख) झालीही असेल कदाचित. तुम्ही नाक्यानाक्यावर वडापावच्या गाड्या पाहिल्या असतील. त्याच वडापावची चटणीपाव आणि चुरापाव ही धाकटी उपेक्षित भावंडं म्हणूयात. म्हणजे पहा ना वडापाव आता गाडीवरुन, मॉलमधून, फाईव्हस्टार रेस्टॉरेंटपर्यंत गेला. आता तर बर्‍याच राजकीय पक्षांशी त्याची सलगी ऐकीवात येतेय, पण इतकं असूनही चुरापाव आणि चटणीपाव उपेक्षितच. लोकांना चटणीपावचं नाव तरी माहित असतं, तर दुसरीकडे चुरापाव जवळजवळ नामशेष होण्यातच जमा आहे.

तसा हा चुरापाव वडापावइतका चविष्ट नाही, पोटभर नाही, नुसताच एक हलकाफुलका टंगळमंगळ पदार्थ. चुरापाव हा एक विचार आहे एक 'easy going attitude'. मी साहित्यातला जाणकार नव्हे, साहित्याला वेगळीच उंची वगैरे देण्याचा विचार ब्लॉग सुरु करण्यामागे नाही. हा ब्लॉग खरंतर माझ्यासारख्या चुरापाव लोकांसाठी ज्यांना केवळ वाचायचंय बघायचंय आणि सोडून द्यायचंय. माझी चुरापावविचारसरणी कोणाला आवडो न आवडो वडे तळायला सुरुवात झालीय ...

पुन्हा भेटूच ...

मंगळवार, २३ मार्च, २०१०

अनुभवले चांदणे मी...

अनुभवले चांदणे मी... अमावस्येच्या राती...
वार्‍यातही स्थिर तिच्या नयनांच्या ज्योति
बावरतो चपापतो खट्याळ तो वारा
चमचम चंदेरी हासे नभातून तारा
वार्‍यासवे, तार्‍यासवे बहरली प्रिती
अनुभवले चांदणे मी... अमावस्येच्या राती...

सत्याच्या क्षितिजी नाही विचारांचे थवे
सत्य जणू स्वप्नमय स्वप्न एक व्हावे
चंद्राच्या गाली आता हसू लागे खळी
आणि चांदण्याचे प्रतिबिंब लोचनांच्या तळी
थेंब थेंब निथळला ... थरारल्या ज्योति ...
अनुभवले चांदणे मी... अमावस्येच्या राती...

-प्रसाद

८ टिप्पण्या:

Maithili १७ एप्रिल, २०१० रोजी १२:२५ PM
Sahiye...!!!!!
Kharech khoop chaan...
उत्तर द्याहटवा
प्रत्युत्तरे
प्रसाद साळुंखे१७ एप्रिल, २०१० रोजी २:४८ PM
धन्यवाद मैथिलीजी :)
उत्तर द्याहटवा
प्रत्युत्तरे
नागेश देशपांडे२७ मे, २०१० रोजी ३:३१ PM
नमस्कार,

आपण मराठी ब्लॉगर मेळाव्यात भेटलो होतो.
थोडा उशिर झाला सपंर्क करण्यास मात्र खरंच खुप छान वाटले त्यादिवशी भेटुन.
मी तुमचा ब्लॉगचे नाव लिहुन घेतले होते.
कृपया सपंर्कात राहावे.

नागेश देशपांडे
blogmaajha@gmail.com
blogmajha.blogspot.com
उत्तर द्याहटवा
प्रत्युत्तरे
Maithili २९ मे, २०१० रोजी १०:४७ PM
Tumhi beezzee aahat ka...??? kitti diwas zale chaanashi postch nai vaachaliye hya blog war....
Melavyaat baghitale tumhala pan boltaa naahi aale neet...kharetar tumachi olakh zalyawar dhakkach basala hota mala... CHURAPAAV wala dada khoop motha asel ase imagine kele hote...Aani ho plzz mala Maithiliji mhanu nakaa.... :)
उत्तर द्याहटवा
प्रत्युत्तरे
प्रसाद साळुंखे३० मे, २०१० रोजी १२:३७ AM
नमस्कार नागेशजी,

चुरापावच्या गाडीला भेट दिल्याबद्दल धन्यवाद
नक्कीच संपर्कात राहिन
उत्तर द्याहटवा
प्रत्युत्तरे
प्रसाद साळुंखे३० मे, २०१० रोजी १२:५९ AM
हे बरयं तुम्ही अहोजाओ करा आणि आम्ही मैथिलीजीही म्हणायचं नाही?

मला ते स्टेजवर उभं राहून ओळखबिळख प्रकार करायचाच नव्हता,
पण माझ्या बाजूचा गेला, मग माझा नंबर,
तरी मी बर्‍यापैकी रेंगाळून दुसरं कुणी जातय का याची वाट बघितली,
पण कुणी उठेच ना, एक दोघांनी माझ्याकडे बघितलंही, मग 'काय बावळट आहे' वगैरेची झलक लोकांच्या नजरेत दिसायच्या अगोदर स्टेज गाठलं,
आणि कशीबशी ओळख करून दिली एकदाची,
हा दादा खूप मोठ्ठाच आहे, खूप मोठ्ठा फट्टू
उत्तर द्याहटवा
प्रत्युत्तरे
Maithili ८ जून, २०१० रोजी ४:१० PM
Barr...thike...Mi pan nahi Aho-jaho karnaar...!!!
उत्तर द्याहटवा
प्रत्युत्तरे
प्रसाद साळुंखे८ जून, २०१० रोजी ८:३६ PM
म्हण बाई काय हवं ते म्हण :)
उत्तर द्याहटवा
प्रत्युत्तरे

टिप्पणी जोडा

याची सदस्यत्व घ्या: टिप्पणी पोस्ट करा (Atom)

माझिया ब्लॉगाचिये कवतिके

नमस्कार मंडळी, रविवार ६ डिसेंबर २०१५ च्या 'मी मराठी लाइव्ह' या मुंबईहून प्रसिद्ध होणार्‍या वर्तमानपत्रातील 'सप्तमी' या पुरवणीतील 'ब्लॉगांश' या सदरात माझा एक लेख प्रसिद्ध झाला, आपण त्या लेखाचा नक्की आस्वाद घ्या आणि आपल्या प्रतिक्रिया मला कळवा. २००९ पासून सुरु असलेल्या या विरंगुळ्याची, अनौपचारिक अघळपघळ लिखाणाची दखल ध्यानीमनी नसताना अचानक 'मी मराठी लाइव्ह' सारख्या नव्या दमाच्या वृत्तपत्रात घेतली गेली ते पाहून समाधान वाटलं. समाधान या गोष्टीचं की ते लिखाण आता जास्तीत जास्त लोकांपर्यंत पोहोचेल. वरील छायाचित्रावर टिचकी देऊन आपण हा लेख वाचू शकता. धन्यवाद, प्रसाद साळुंखे

मराठी कल्चर आणि फेस्टिव्हलस दिवाळी अंक

आंतरजालावर 'मराठी कल्चर आणि फेस्टिव्हलस' च्या २०१६च्या ई-दिवाळी अंकात माझी 'माणसं आणि फटाके' ही कविता समाविष्ट करण्यात आली आहे. या बद्दल मी त्यांचा आभारी आहे. आपण या ई-दिवाळी अंकाचा आस्वाद घ्यावा तसेच अन्य रसिकांपर्यंत या ई-दिवाळी अंकाचा दुवा पोहोचवावात ही नम्र विनंती.