नमस्कार मंडळी,
आज जरा मी आनंदी आहे, कारण रविवार तसा आरामाचा दिवस म्हणूनही आणि दुसरी आनंदाची गोष्ट म्हणजे, आज 'मी मराठी लाइव्ह' या मुंबईहून प्रसिद्ध होणार्‍या वर्तमानपत्रातील 'सप्तमी' या पुरवणीतील 'ब्लॉगांश' या सदरात माझा एक लेख प्रसिद्ध झाला आहे, आपण त्या लेखाचा नक्की आस्वाद घ्या आणि आपल्या प्रतिक्रिया मला कळवा. माझं ब्लॉगवरचं लिखाण हे प्रसिद्धीसाठी म्हणून केलेलं लिखाण असं कधीच नव्हतं. लोकांना रुचेल, आवडेल न आवडेल याचा फार विचार न करता, स्वत:शी प्रामाणिक राहून मनातलं काहीतरी ब्लॉगवर प्रकाशित करत राहिलो. तरी २००९ पासून सुरु असलेल्या या विरंगुळ्याची, अनौपचारिक अघळपघळ लिखाणाची दखल ध्यानीमनी नसताना अचानक 'मी मराठी लाइव्ह' सारख्या नव्या दमाच्या वृत्तपत्रात घेतली गेली ते पाहून समाधान वाटलं. समाधान या गोष्टीचं की ते लिखाण आता जास्तीत जास्त लोकांपर्यंत पोहोचेल. त्याबद्दल 'मी मराठी लाइव्ह' या वृत्तपत्राचे आभार आणि धन्यवाद.
धन्यवाद,
प्रसाद साळुंखे
कोणत्याही टिप्पण्‍या नाहीत:
टिप्पणी पोस्ट करा